Ватикан ја објави темата за Светскиот ден на мигрантите и бегалците. Од 1914 година, Светскиот ден им нуди на католиците можност да се потсетат и да се молат за раселените од конфликти, прогонство и економски тешкотии.
Ватиканската дикастерија за промоција на интегрален човечки развој ја објави темата на 110. Светски ден на мигранти и бегалци.
Темата на овогодинешниот Светски ден – кој ќе се одбележи во недела на 29 септември 2024 година – ќе биде „Бог оди со својот народ“.
Црква во движење
Во соопштението за медиумите, Дикастеријата истакнува дека наведената порака ќе се фокусира на патувачката димензија на Црквата, со посебен осврт на нашите браќа и сестри мигранти, кои претставуваат „современа икона на Црквата во движење“
„Ова е патот по кој треба да се следи синодално“, стои во соопштението, „надминувајќи ги сите закани и пречки, за да можеме заедно да стигнеме до нашата татковина“. За време на патувањето, каде и да се најдат луѓето, од суштинско значење е да се препознае присуството на Бог кој оди со својот народ, обезбедувајќи му водство и заштита на секој чекор. „Сепак, подеднакво е важно да се препознае присуството на Господ, во секој мигрант кој чука на вратата на нашето срце и нуди можност да се сретнеме“.
- година од одбележувањето на Светскиот ден на мигрантите и бегалците
Светскиот ден на мигрантите и бегалците се одбележува секоја година во последната недела од септември.
Првпат е одбележан во 1914 година и е ден за охрабрување на католиците ширум светот да се потсетат и да се молат за оние кои се раселени поради последици од конфликти, прогонството и економските тешкотии.
По повод овој настан, Дикастеријата за промоција на интегрален човечки развој ќе спроведе комуникациска кампања со цел да промовира подлабоко разбирање на овогодинешната тема преку видеа, информативни материјали и теолошки размислувања.
Ватикан њуз/ к.мк
