Богата меѓународна соработка на Детската болница Бамбино Џезу

Богата меѓународна соработка на Детската болница Бамбино Џезу

Нејзиното срце чука во Рим, но спроведува активности во повеќе земји во светот. Станува збор за Папската детска болница, најголема поликлиника и Педијатарски центар за истражување во Европа. Основана е во 1869 година и е подарена на Светиот Престол во 1924 година. Детската болница Бамбино Џезу е упориште за здравје на деца и млади од цела Италија и странство. Нејзиното историско седиште е на римскиот брег Џаниколо, а кон тоа треба да се додаде и она во римскиот дел Свети Павле надвор од ѕидините, како и местата недалеку од Рим, Палидора и Санта Маринели.

13,5 % пациенти се од странство

Болницата секоја година прима повеќе од 27.000 мали пациенти, 80.000 од нив прима помош во Брзата помош, а амбулантните услуги се околу 1.700.000 годишно. Од вкупниот број пациенти 13,5% се од странство, повеќето деца на доселеници, но има и деца кои доаѓаат од разни страни на светот, бидејќи им е потребно посебно лекување.

Помош и прифаќање

Работата на клиниката е придружувана и со прифаќање, посебно на семејства кои доаѓаат од далеку, па им е потребна и долготрајна терапија. Благодарејќи на помошта мрежата здруженија, фондации и хотелски установи, болницата успева да обезбеди бесплатно смесување за околу3.700 семејства, што вкупно значи повеќе од 93.000 ноќевања.

Меѓунарoдни активности

Болницата Бамбино Џезу е присутна и во повеќе земји од светот, преку помагање и соработка. Така на пример во Камбоџа, Централноафриканската Република, Јордан, Сирија, Палестина, Грузија, Русија, Кина и Етиопија има активни проекти за соработка со универзитетските болници.

Во видето може да погледнете за активностите кои се однесуваат на Детската болница Бамбино Џезу во Јордан и Централноафриканската Република.

РВ/к.мк

Категорија: Ватикан, Вести

За авторот