Во рамките на традиционалниот велигденски прием во епископската резиденција на Водно, во име на сите посветени лица од градот Скопје се обрати катедралниот парох патер Винко Маслаќ, а епископот Стојанов исто така упати пригодно слово до присутните.
Во сабота 30 март 2024 година година, во бискупската резиденција во Скопје, Скопскиот бискуп и Струмичко – скопскиот епарх монс. д-р Киро Стојанов ги прими претставници на Богопосветените лица и свештеници од градот Скопје.
Во име на Богоспосветените лица и свештениците од градот Скопје честитка упати катедралниот парох патер Винко Маслаќ, кој во таа прилика, во името на сите, на бискупот Стојанов му го честита претстојниот празник Воскресение Христово – Велигден.
Во своето обраќање до присутните епископот Стојанов искажа благодарност и задоволство од соработката и пасторалните активности во градот Скопје, но и во други места каде што Католичката црква е активна. Честитајќи им го празникот Воскресение Христово – Велигден, епископот Стојанов им посака Божји благослов, радост и мир од Воскреснатиот Христос во вршењето на посланието на Црквата.
Традиционално, секоја година претставник од некоја заедница од Скопје, во име на сите упатува честитката до бискупот.
к.мк
