Петнаесетти ден: Ослободи ја душата преку љубовта кон Светата Љубов
Земи ја за пример чистата и несебична љубов на нашиот Господ, Кого Го љубиш. Тој без задршка се откажа од Себе за тебе. Зарем ти и понатаму сакаш да имаш поделено срце? Сакаш ли само половично да ѝ се предадеш на чистата Љубов?
Бог нека те сочува од таква несреќа. Од денес па натаму, не, нема повеќе барање на самиот себе, нема повеќе гордост, лични интереси и преокупираност со себе. Подари сè, и ќе најдеш Сè.
Проучи на кои начини најмногу се бараш самиот себе, за да можеш без двоумење да ги искорениш тие склоности. На посебен начин, избегнувај да зборуваш и да размислуваш за себе и со тоа да ги оптоваруваш другите. На своите ближни подари им грижа, внимание и нежност што ќе си ги ускратиш себеси.
Во сè и над сè, често мисли на Исус, разговарај со Него, љуби Го со сето срце, за чистата љубов да стане твој живот.
Господи, дарувај ми серафимска љубов, за да можам да Те љубам жарко и безгранично.
Кармел-бси/к.мк
