Соочени со бројните облици на гревови на кои робува нашето човештво, меѓу кои се војната и неправдата, отуѓеноста и угнетувањето, уништувањето и претераниот конзумизам, патријарсите и поглаварите на Црквите во Ерусалим, во заедничката божиќна порака потсетуваат дека славењето на Христовото рождество е постојан потсетник за откупението кое Бог ни го даде претворајќи го секој облик на грев во полнина на животот
Исус Христос стана човек како би донел спасение и откупение на целиот свет, истакнуваат патријарсите и поглаварите на Црквите во Ерусалим и напоменуваат дека Исус како човечка личност го искуси нашето човештво, како би можеле да бидеме преобразени според неговата слика и прилика. Потоа додаваат дека самиот Исус почуствувал како е да се биде без дом, како бегалец. Бил изложен и на закани и на крајот и на смрт, но неговото раѓање донесе надеж и живот.
Во пораката, освен тоа, упатена е и молитва периодот на светото божиќно време да донесе правда на сите луѓе. Потоа, нудејќи поддршка и молитва за присутноста на христијаните на Блискиот Исток, тринаесете патријарси и поглавари на Црквите во Ерусалим изразија надеж дека овој Божиќ на сите народи ќе им донесе радосна вест за мирот, правдата и помирувањето и дека Кнезот на мирот злото и гревот во нашиот свет ќе ги претвори во светлост и полнина на живот.
Ватикна њуз/к.мк
