Во делови од Африка погодени од суша, стотици илјади деца се изложени на ризик од неухранетост
Според УНИЦЕФ, речиси 300.000 деца се изложени на ризик од тешка акутна неухранетост во шест јужноафрикански земји погодени од суша.
Според податоците на УНИЦЕФ, скоро 300.000 деца се изложени на ризик од тешка акутна неухранетост во шест јужноафрикански земји погодени од суша, објави агенцијата СИР, а пренесува Католичката информативна агенција.
Во Лесото, Малави, Намибија, Замбија и Зимбабве, на 7,4 милиони деца им недостасува храна, а повеќе од 2 милиони преживуваат со екстремно лоша исхрана, објави УНИЦЕФ, кој предупредува во соопштението дека во 2024 година, повеќе од 270.000 деца ќе страдаат од потенцијално смртоносна тешка акутна неухранетост. Временските услови поврзани со „Ел Нињо“, вклучително и екстремно ниските врнежи, доведе Лесото да стане уште една држава која прогласи национална катастрофа за храна, по Боцвана, Малави, Намибија, Замбија и Зимбабве.
„Хуманитарните потреби со кои децата се соочуваат како резултат на „Ел Нињо“ се крајно загрижувачки“, рече регионалниот директор на УНИЦЕФ за Источна и Јужна Африка, Етлева Кадили. „Зголемената несигурност во храната и неухранетоста, тешкотиите во пристапот до вода за пиење и санитарните услови и ризиците од епидемии како колера се сериозна закана. Илјадници деца се на работ на неповратно влијание врз нивното здравје и раст поради климатската криза и меѓународната заедница не би требало да го загуши овој аларм“, рече Кадили.
Ранливите деца се тешко погодени од климатските шокови во јужна Африка. Овие шокови драматично ја намалуваат количината, разновидноста и квалитетот на достапната храна, негативно влијаат на грижата на децата и го попречуваат пристапот до чиста, безбедна вода, изложувајќи ги децата на опасни по живот детски болести, како што е дијареата
Кта/к.мк
