Папата Лав XIV ја именува сестра Алесандра Смерили за префект, кардинал Фабио Баџо за пропрефект, а монсињор Јозеф Барлаш за секретар на Дикастеријата за промовирање интегрален човечки развој. Сите три именувања стапуваат во сила на 1 септември 2026 година.
Папата Лав XIV именуваше ново раководство на Дикастеријата за промовирање интегрален човечки развој, назначувајќи ја сестра Алесандра Смерили за префект, кардинал Фабио Баџо за пропрефект со посебна одговорност за Центарот за високо образование Laudato si’, и монсињор Јозеф Барлаш за секретар.
Трите именувања беа објавени од Светиот Престол во вторник, а ќе стапат во сила на 1 септември 2026 година.
Сестра Алесандра Смерили, членка на Салезијанките на Дон Боско, од 2021 година служеше како секретарка на Дикастеријата, а сега ќе го води ова ватиканско тело како негов префект. Таа го наследува кардинал Мајкл Черни, кој беше префект на Дикастеријата од 2022 година.
Папата Лав го именуваше и кардинал Фабио Баџо, досегашен потсекретар на Дикастеријата, за пропрефект. Во новата служба, на кардинал Баџо му е доверена посебна одговорност за Центарот за високо образование Laudato si’, што ја одразува континуираната посветеност на Светиот Престол за промовирање интегрален човечки развој, вдахновен од грижата за созданието.
Истовремено, Светиот Отец го именуваше монсињор Јозеф Барлаш, кој досега беше потсекретар на Дикастеријата, за нов секретар.
Со овие именувања се заокружува новиот раководен тим на Дикастеријата за промовирање интегрален човечки развој, ватиканското тело задолжено за унапредување на делувањето на Црквата во областите на правдата и мирот, миграцијата, здравствената грижа, добротворноста, грижата за созданието и промовирањето на човечкото достоинство низ светот.
Ватикан њуз/к.мк
