Папата до младите од Источен Тимор: Да се биде слободен значи да се почитуваат другите и да се грижиш за заедничкиот дом
Папата Фрањо ја заврши посетата на Источен Тимор на 11 септември 2024 година со средба со младите кои ги охрабри да бидат одговорни и слободни протагонисти на иднината на својот народ.
Папата Фрањо ја заврши посетата на Источен Тимор на 11 септември 2024 година со средба со младите кои ги охрабри да бидат одговорни и слободни протагонисти на иднината на својот народ.
Светиот Отец имаше два совети за младите во Дили: „Правете врева и почитувајте ги постарите!“
Во своето обраќање, Папата истакна дека младите се мнозинство од населението на Источен Тимор, каде што повеќе од 95 отсто се католици. Тој го пофали нивниот ентузијазам во живеењето на нивната вера и рече дека никогаш нема да ги заборави насмевките на лицата на луѓето од Источен Тимор.
Тој ги повика младите да се присетат на жртвите што ги дале нивните предци при поставувањето на темелите на нацијата и ги поттикна да ги почитуваат постарите. Имено, општеството има две богатства – младите и старите, истакна. „Општество кое има толку деца како вашето, мора да ги чува. Она што има толку стари, кои се сеќавањето, мора да ги почитува и да се грижи за нив“.
Светиот Отец се осврна и на три вредности – слободата, посветеноста и братството. Младите треба да се сеќаваат на вистинското значење и смислата на слободата. „Да бидеме слободни не значи да го правиме она што сакаме“, нагласи тој и додаде дека тоа значи да ги почитуваме другите и да се грижиме за заедничкиот дом.
„Вие во оваа насмеана земја имате прекрасна историја на херојство, вера, мачеништво и пред сè вера и помирување“, истакна Папата.
Папата го заврши своето обраќање до младите од Источен Тимор со тоа што ги повика да се присетат на примерот на Исус на простување и помирување.
Ватикан њуз/к.мк
