Надбискупот на Лос Анџелес, Хозе Хорасио Гомез на својот Инстаграм профил на 8 јануари 2025 година повика на молитва за погодените од пожарот, а Кабинетот на американскиот претседател објави дека Џо Бајден го откажува патувањето во Италија.
Надбискупот Хорасио Гомез преку својот Инстаграм профил упати апел за молитва за погодените од пожарот, кој досега однесе пет животи и уништи многу домови.
„Ве молам, продолжете да се молите за сите оние кои страдаат во шумските пожари што беснеат во Јужна Калифорнија. Моето срце е со нашите соседи кои ги загубија своите домови и средствата за живот. Да се молиме за нив и да се молиме за нашите пожарникари и итната помош. Господ да ги заштити сите наши браќа и сестри и да ги изгасне овие пожари!“, напиша надбискупот.
Американскиот претседател Бајден требаше да замине на последното службено патување во Италија пред истекот на мандатот на 20 јануари, во текот на кои требаше да се сретне со папата Фрањо, но поради пожарот тоа патување беше откажано и не се знае дали дополнително ќе биде договорено повторно патување.
„По враќањето вечерва од Лос Анџелес, каде претходно денеска се сретна со полицијата, пожарникарите и персоналот за итни случаи кои се борат со историските шумски пожари што беснеат во областа и одобри прогласување за голема катастрофа во Калифорнија, претседателот Бајден донесе одлука да го откаже своето претстојно патување во Италија и останува фокусиран на насочување на целосен федерален одговор во наредните денови“, се вели во соопштението на Канцеларијата на претседателот.
Ватикан њуз/к.мк
