Зборувајќи со новинарите на маргините на настанот на Грегоријанскиот Универзитетот, државен секретар Паролин изрази надеж дека новоизбраниот претседател на САД Трамп ќе владее со мудрост, „бидејќи според Библијата тоа е главната крепост на лидерите“.
Во врска со претседателските избори во САД, државниот секретар на Светиот Престол, кардинал Пјетро Паролин, изјави за новинарите: „Се разбира дека му посакуваме добро на [Трамп]. На почетокот на неговиот мандат му посакуваме многу мудрост, бидејќи според Библијата тоа е главната крепост на лидерите“.
Кардиналот истакна дека новоизбраниот претседател ќе мора да работи „пред се за да биде претседател на целата земја“ за да се надмине поларизацијата што сè повеќе ја обележува нашето време. Во исто време, тој изрази надеж дека Трамп ќе биде „елемент на детант и пацификација во тековните конфликти кои го прават светот крвав.
Крај на војната
Запрашан за ветувањата на Трамп дека ќе стави крај на неколку актуелни војни, кардиналот Паролин одговори: „Да се надеваме“, притоа додаде: „Мислам дека тој нема волшебно стапче“. Нагласи дека за завршување на војната потребна е понизност, подготвеност и желба да се следат интересите на човештвото како целина, наместо да се фокусираат на одредени интереси.
Во врска со конфликтите во Украина и Светата Земја, државниот секретар истакна дека Трамп не објаснил конкретно што ќе преземе за завршување на војните. „Да видиме што ќе предложи откако ќе ја преземе функцијата“, рече Паролин.
Миграција: Ставот на Светиот Престол е јасен
Како одговор на прашањата за ветувањето на Трамп дека ќе депортира „милиони“ имигранти од Соединетите држави, кардиналот Паролин рече: „Мислам дека ставот на Папата и Светиот Престол е многу јасен во овој поглед. Ние сме за мудра политика кон имигрантите и со тоа за политика која не оди до овие крајности“.
Тој рече дека папата Фрањо дава „многу прецизни, многу јасни“ индикации во врска со миграцијата, додавајќи: „Верувам дека ова е единствениот начин да се решат проблемите и да се решат на хуман начин“.
Одбраната на животот
Кардиналот Паролин се согласи дека има некои прашања каде што политиката на Трамп полесно се усогласува со позициите на Светиот Престол, како што е „одбраната на животот“.
Сепак, кардиналот рече: „Верувам дека ова треба да биде заедничка политика; треба да се обиде да собере консензус околу ова прашање за да не стане повторно политика на поларизација и поделба“.
Тој инсистираше на потребата да се слушаат еден со друг и истакна дека се надева оти ветувањата на Трамп за одбрана на животот „исто така ќе го прошират консензусот во оваа смисла“.
Дијалог за општо добро
Кардиналот Паролин рече дека не мисли дека односите меѓу Светиот Престол и Соединетите Држави ќе се променат со новата администрација, како што истакна: „Ние ги одржувавме односите со претседателот Трамп дури и за време на неговиот претходен мандат, така што повеќе или помалку ќе продолжиме.“
Признавајќи ја блискоста за некои прашања и разликите за други, рече кардиналот Паролин, ова ќе биде повод да се води дијалог и да се обидеме заедно да најдеме повеќе точки на консензус, секогаш во корист на општото добро и мир во светот“.
Односите со Кина
На крајот, одговарајќи на прашање за односот на Светиот Престол со Кина, кардиналот Паролин рече: „Напредуваме со Кина… дијалогот е во тек, со мали чекори, но е во тек, така што ја потврдуваме оваа линија“.
Ватикан њуз/к.мк
