Во сабота 28 март 2026 година, во 17:30 часот полета хеликоптерот со кој, по околу два часа, Светиот Отец ќе слета на ватиканскиот хелиодром. Пред заминувањето, тој се поздрави со кнезот Алберт II и со принцезата Шарлен, а во телеграма им заблагодари за срдечниот пречек.
Перките на хеликоптерот во кој се наоѓа Лав XIV почнаа да се вртат околу 17:25 часот. По повеќе од осум часа од неговото пристигнување, Папата го заврши своето апостолско патување во Кнежевството Монако, второ патување во странство во неговиот понтификат и прво во Европа.
На хелиодромот во Монако, со морето во заднина, се одржа церемонијата на испраќање. По поздравот со локалната придружба и со делегацијата на Монако во холот, Светиот Отец помина покрај Почесната гарда и се прости од кнезот Алберт II и од принцезата Шарлен. Меѓу нив следеше краток разговор, а потоа поздрав и благодарност за укажаниот пречек.
Благодарност за срдечниот пречек
Потоа Лав XIV се качи во хеликоптерот. Леталото се издигна од тлото на Монако околу 17:30 часот и за неколку минути веќе беше високо на небото. Во телеграмата испратена до кнезот Алберт II, Папата ја изрази својата голема благодарност до владетелскиот пар, до кнежевското семејство, до владата и до народот на Монако „за срдечниот пречек и великодушното гостопримство“ што му беа укажани за време на апостолското патување. „Се молам“, напиша тој, „Семоќниот Бог да ве благослови сите со мир и сила“, споделувајќи го својот благослов.
Така Папата се прости од Кнежевството за да се врати во Рим, каде што слетувањето на ватиканскиот хелиодром е предвидено по околу два часа.
Ватикан њуз/к.мк
