Папата Лав XIV се сретна со членовите на Операта „Сан Франческо пер и Повери“, охрабрувајќи ги да живеат со милосрдието како помош, примет и промоција на човечкото достоинство, и да сведочат за Божјата љубов во општеството.
Папата Лав XIV ги прими членовите на Операта „Сан Франческо пер и Повери“ („Делото на Свети Фрањо за сиромашните“), охрабрувајќи ги да останат верни на својата мисија за обезбедување помош, прием и промовирање на човечкото достоинство.
Тој зборуваше пред делегација од институцијата со седиште во Милано, која речиси седум децении обезбедува оброци, облека, медицинска грижа и поддршка за повеќе од 30.000 луѓе секоја година.
„Со радост ве поздравувам, членови на Операта ‘Сан Франческо пер и Повери’“, рече Папата. „Речиси седумдесет години вашата институција е посветена на обезбедување помош и гостопримство за луѓето во потреба и на поттикнување на целосниот човечки развој на личноста во светлината на христијанската традиција, особено на фрањевската традиција, во поучувањето на науката на Црквата.“
Потсетувајќи на потеклото на иницијативата во срцето на капуцинскиот фратар Чесило Марија Кортиновис, тој истакна дека „прекрасната авантура, на која вие денес сте сведоци и учесници, е родена од вера и великодушност“.
Три димензии на милсордието
Во своето обраќање, Папата нагласи три димензии на делото на Операта: assistere, accogliere, promuovere – „да се помага, да се прима и да се промовира“.
„Да се помага“, рече тој, „значи да се биде присутен за потребите на другите. Впечатливо е да се види бројот и разновидноста на услугите што, низ годините, успеавте да ги организирате и да им ги понудите на оние што ви се обраќаат… поддржувајќи на различни начини повеќе од триесет илјади луѓе секоја година.“
Заедно со помошта, продолжи тој, важно е и приемот: „отворање простор за другиот во своето срце и во својот живот, нудење време, слушање, поддршка, молитва. Тоа е став на гледање во очи, на пружање рака, на понизност – став толку драгоцен за Папата Фрањо“.
На крајот, „да се промовира“ – објасни Папата – значи да се помага на луѓето да растат во слобода и достоинство: „Тука влегуваат во игра бесплатниот дар и почитувањето на достоинството на луѓето, така што човек се грижи за другите едноставно за нивно добро, без да очекува нешто за возврат и без да наметнува услови. Така прави и Бог со секој од нас: покажува пат, нуди сè што е потребно за да се оди по него, но потоа нè остава слободни.“
Тој ги потсети присутните на зборовите на свети Иван Павле II: „Станува збор за ефикасно зголемување на достоинството и креативноста на секој поединец, на неговата или нејзината способност да одговори на сопствениот повик, а со тоа и на Божјиот повик содржан во него.“
Посланието за Црквата и општеството
„Ова, драги пријатели,“ потврди Папата, „е задачата што Црквата ви ја доверува – за доброто на луѓето што се собираат околу структурите што ги управувате, но и за доброто на општеството како целина.“
Дајќи го својот апостолски благослов, тој ја заврши средбата, заблагодарувајќи им на присутните за нивната работа и сведоштвото што го даваат.
Ватикан њуз/к.мк
