Папата Лав XIV им испрати охрабрување на спортистите што се натпреваруваат на 25. Зимски олимписки игри, што се одржуваат во Милано и Кортина, повикувајќи ги да ги прифатат вистинските вредности на спортот.
Олимписки спортисти, волонтери и спортски здруженија во петок, 30 јануари 2026 година, присуствуваа на света Литургија во северниот италијански град Комо, кои се подготвуваат за Игрите во Милано Кортина во 2026 година.
Зимските олимписки игри започнуваат следната недела и ќе се одржат од 6 до 22 февруари на локации низ Ломбардија и североисточна Италија.
Папата Лав XIV испрати телеграма до кардиналот Оскар Кантони, епископ на Комо, потпишана од државниот секретар кардинал Пјетро Паролин, која беше прочитана на светата Литургија во петокот.
Папата упати „срдечни и најдобри желби“ до луѓето од викаријатот Бормио и до сите вклучени во подготовката на Олимписките игри во Милано Кортина.
Тој изрази благодарност за древниот спортски настан што ги собира професионалните и аматерските спортисти од целиот свет на секои четири години за да се натпреваруваат во бројни спортови.
Папата Лав рече како се надева дека Игрите ќе бидат „поволна прилика за поттикнување на вистинските вредности на спортот: фер игра, почит, тимски дух и жртва, како и социјална инклузија и радост од средбата“.
Тој ги покани парохиските заедници во северна Италија да понудат „дарежливо христијанско сведоштво, за да бидат светол знак на присуството Христово, кој ги повикува сите на братство“.
Папата Лав XIV ја завршува својата телеграма со која им ги ветува своите молитви на сите вклучени во Игрите во Милано Кортина и им подели апостолски благослов, „залог за изобилни небесни благодати“.
Ватикан њуз/к.мк
