Папата Лав XIV, на 23 јули 2025 година, ја изрази својата молитвена близина на Доминиканците собрани на Генерално собрание на покраинските приори, охрабрувајќи ги да бидат отворени за гласот на Светиот Дух и да ја зацврстат својата преданост во служењето на Телото Христово.
Папата Лав во својата порака упатена до доминиканските покраински приори собрани во Краков за Генерално собрание на Редот, рече дека се моли за нив и ги уверува во својата духовна близина.
Во писмото до о. Жерар Тимонер, Генерален мајстор на Редот на проповедници, Светиот Отец ја изразува својата доверба дека овие денови исполнети со благодат ќе бидат можност за обновување, втемелено во надежта што не разочарува и во свесноста дека Господ ги повикал како проповедници да ја навествуваат Радосната вест среде современите предизвици.
Слушање на Светиот Дух
Папата се осврна и на темата на Генералниот огранок, кој е насочен кон продлабочување на доминиканската харизма на проповедањето, со посебен акцент на четири категории на слушатели: оние кои сè уште не го запознале Христос, христијанските верници, оние што се оддалечиле од Христа и младите во слични животни ситуации. Тој наведува дека оваа тема е особено соодветна за денешниот контекст.
„Молам“, пишува Папата, „вашите размислувања да бидат поттик за внимателно слушање на Светиот Дух, Кој и понатаму ја води Црквата кон полнотата на вистината.“
Врзани со харизмата на Свети Доминик
Светиот Отец изразува надеж дека доминиканските приори ќе ја обноват својата верност на евангелскиот начин на живот што го живеел Свети Доминик, зацврстувајќи ја својата посветеност на служењето на Телото Христово.
„Нека вашето заедничко искуство на братски живот и молитва ги зајакне врските на заедништво што ве обединуваат како Доминиканци и ве охрабри да го живеете уште поцелосно својот повик како контемплативни проповедници“, додава Папата.
Тој ја изрази својата увереност дека Доминиканците „ќе продолжат со ревност да ја извршуваат својата мисија во срцето на Црквата“, останувајќи верни на харизмата и духовното наследство на Свети Доминик.
На крајот од писмото, Папата Лав го довери Генерално собрание на застапништвото на Пресвета Богородица и го упати својот апостолски благослов на сите членови на Доминиканскиот ред.
Ватикан њуз/к.мк
