На 28 март 2025 година. Папата ги одобри декретите на Дикатсеријата за прогласување на светци кои се однесуваат на признавањето на чудата и херојските крепости, како и идните канонизации на неколку блажени.
Според информациите објавени на 31 март 2025 година, Светиот Отец одобрил декрети за неколку Божји слуги кои ќе бидат воздигнати на олтарот. Признати се чудата неопходни за беатификација и канонизација, како и се препознати херојските крепости.
Првиот од декретите се однесува на чудо што се случило со посредство на блажената Марија од гората Кармил (со световно име Кармен Елена Рендилес Мартинез), основачка на Конгрегацијата на слугите на Исус. Родена е на 11 август 1903 година во Каракас (Венецуела) и таму починала на 9 мај 1977 година.
Вториот декрет се однесува на чудо што се случило со посредство на Божјиот слуга Кармело Де Палма, бискупски свештеник роден на 27 јануари 1876 година во Бари (Италија) и таму починал на 24 август 1961 година.
Понатаму, папата Фрањо ги препознава херојските крепости на Божјиот слуга Хозе Антонио Марија Ибијапино, бискупски свештеник роден на 5 август 1806 година во Сабрал (Бразил) и починал на 18 февруари 1883 година во Арара (Бразил).
Светиот Отец, исто така, ги одобри одлуките на Редовното заседание на кардиналите и бискупите кои се членови на Дикастеријата, во врска со канонизацијата на двајца блажени: Игнатиј Шукрала Малајан, ерменски католички надбискуп од Мардин, роден на 15 април 1869 година во Мардин (Турција) и умрел на 11 јуни во Кара Кеупру, Турција; Петер То Рот, мирјанин, роден во 1912 година во Ракунаи (Папуа Нова Гвинеја) и починал таму во јули 1945 година. Според Дикастеријата, процесите на овие блажени, заедно со други, ќе бидат вклучени во дневниот ред на претстојниот конзисториум посветен на следните канонизации.
Ватикан њуз/к.мк
