Кардинал Паролин ќе ја предводи светата Литургија по повод 20-годишнината од смртта на папата Иван Павле II.
Државниот секретар на Светиот Престол, кардинал Пјетро Паролин, ќе ја предводи светата Литургија на 2 април, во базиликата Свети Петар, по повод 20-годишнината од смртта на папата Иван Павле II
На светата Литургија ќе присуствуваат и претседателот на Полската бискупска конференција, надбискупот Тадеуш Војда и кардиналот Станислав Џивиш, кој беше долгогодишен приватен секретар на полскиот Папа и надбискуп на Краков од 2005 до 2016 година.
На 12 февруари, папата Фрањо го упати својот благослов до сите што ќе присуствуваат на 20-годишнината од смртта на Иван Павле II, а во писмото упатено до кардиналот Џивис напиша: „На сите им посакувам мирна јубилејна година во духот на надежта и повикувајќи се на посредувањето на Пресвета Богородица и Свети Иван Павле II, од се срце ве благословувам вас и сите кои ќе присуствуваат на прославата на 2 април.
Истиот ден, среда навечер, на Плоштадот Свети Петар ќе се одржи молитвено бдение на полски и италијански јазик, а молитвената програма ќе ја предводи претседателот на Полската бискупска конференција, надбискупот Тадеуш Војда.
Ика/к.мк
