Позаднина е доцнењето на државата со исплатите на црковните болници, поради што престанаа да даваат услуги.
Кенискиот бискуп Клеофас Осесо Тука се осврна на проблемот со паричните донации за Црквите дадени од високите политичари на почетокот на Великиот пост. „Не знаеме од каде доаѓаат огромните суми пари што политичарите ги донираат за црквите и треба да бидеме загрижени“, предупреди бискупот на епархијата Накуру, Клеофас Осесо, како што пренесува римскиот информативен портал Фидес. „Не смееме да дозволиме да се гледаме како победници се додека нема книги во училиштата, лекови во болниците и додека не се плаќаат лекарите и наставниците.
Во својата проповед на Пепелница, бискупот потсети на една библиска реченица: „Кога даваш милостина, нека не знае твојата лева рака што прави десната“. Ако некој политичар донира големи суми пари на различни Цркви, тој самиот не треба да разгласува. Ова е единствената гаранција „дека парите се вистински и не се користат како кампања или алатка за самопромоција“.
Контекстот на коментарите на бискипот Накуру е тековниот конфликт меѓу Црквата и државата во услови на длабока економска криза низ Кенија моментално ја доживува. Здружението на приватни болници во петокот нареди укинување на услугите поврзани со институциите во знак на протест поради неплатените трошоци од страна на Владата. Речиси 60% од здравствените услуги во Кенија се управувани од црковни и верски даватели на услуги.
Минатата недела, кениските бискупи ја повикаа владата да ги отплати националните долгови кон верските здравствени институции кои датираат од 2020 година. Доцнењето на исплатите им отежнува на овие институции да се грижат за своите пациенти, од кои повеќето припаѓаат на социјално загрозени семејства од земјава. Бискупите побараа исплата на неподмирениот долг од 2,5 милијарди кениски шилинзи (17 милиони евра) акумулирани од Националниот фонд за здравствено осигурување.
Минатата есен, претставниците на Црквата ја повикаа Владата да ја исполни својата обврска за плаќање, а во ноември беа дадени ветувања на болниците кои беа само делумно исполнети, објасни надбискупот Морис Мухатија Макумба од Кисуму, претседател на Кениската бискупска конференција.
Кта/к.мк
