По повод упокојувањето на Неговото Високопреосвештенство, митрополит Дебарско-кичевски и администратор Австралиско-сиднејски г. Тимотеј, Скопскиот бискуп и Струмичко-скопски епарх, монсињор д-р Киро Стојанов упати сочувство до Неговото Блаженство г.г. Стефан, Архиепископ охридски и македонски, до членовите на Светиот Архиерејски Синод на МПЦ-ОА, до духовенството и верниот народ на МПЦ-ОА, во кое изразува искрено и длабоко христијанско сочувство во свое име и во името на духовенството и верниот народ на Католичката црква во Македонија.
Во сочуството бискупот Стојанов истакнува дека г. Тимотеј беше човек кој до последно беше потпора, ја сакаше и почитуваше својата заедница и Христовата црква на која целиот свој живот го посвети и верно и служеше.
На крајот од писмото со сочувство монсињор Стојанов во молитвите ја препорачува душата на почитуваниот архиереј г. Тимотеј на Божјата добрина и милосрдие, а за сите ожалостени моли за утеха и помош.
к.мк
