Поздравувајќи ги верниците по молитвата „Царице небесна“ во недела, 24 мај 2026 година, на празникот Педесетница, папата Лав XIV ја повика Пресветата Дева Марија, доверувајќи ѝ ја заедницата на кинеските верници, за да бидат сведоци на надежта и мирот. Тој посвети посебна мисла и на сите што страдаат во Светата Земја како последица на конфликтот.
Во своите поздрави по молитвата „Царице небесна“, Папата потсети на Денот на молитва за Црквата во Кина, кој се одбележува по повод литургискиот спомен на Пресветата Дева Марија, Помошничка на христијаните, која со голема побожност се почитува во светилиштето Шешан во Шангај. Затоа Папата ја довери кинеската христијанска заедница на Богородица, за таа продолжи да сведочи за Евангелието.
„Да ги здружиме нашите молитви со молитвите на кинеските католици, како знак на нашата љубов кон нив и на нивното заедништво со универзалната Црква и со Петровиот наследник. Застапништвото на Небесната царица ѝ донесе на заедницата на верниците во Кина благодат на единство и нека им даде сила на сите да сведочат за Евангелието во нивните секојдневни напори, за да бидат семе на надеж и мир. Особено се молам за вечен покој на жртвите од несреќата што се случи во рудник во северна Кина.“
Молитва за христијаните во Светата Земја
Потоа папата Лав XIV ѝ ги довери на Марија, Помошничка на христијаните, христијанските заедници во Светата Земја, Либан и целиот Блиски Исток, кои страдаат од војната.
Ватикан њуз/к.мк
