Ви го пренесуваме размислувањето за Дваесет и деветта недела по Педесетница според Евангелието од Лука 17,12-19 кое е објавено на социјалните мрежи на Радио Марија.
Од светото Евангелие според Лука (17,12-19)
И кога влегуваше во едно село, Го сретнаа десет лепрозни и застанаа подалеку, па со силен глас повикаа: »Исусе Наставниче, смилуј се!« Штом ги виде, им рече: »Отидете и покажете им се на свештениците!« И тие, одејќи, се очистија.
А еден од нив, кога виде дека е излекуван, се поврати и Го прослави Бога гласно; 16и падна ничкум пред нозете Негови, благодарејќи Му. А тој беше Самарјанин.
Исус, пак, одговори и рече: »Зар не се излекуваа десетмина? Каде се деветмината? Како не се најдоа да се вратат и другите и да Му заблагодарат на Бога, туку само овој туѓинец?« И му рече: »Стани, оди си! Твојата вера те спаси!«
