Во соопштението објавено од Канцеларијата за печат на Светиот Престол, медицинскиот тим известува за состојбата на папата Фрањо по лапаротомијата и пластичната операција на абдоминалниот ѕид со вметнување на протетски материјал. Папата е во добра општа состојба и првата ноќ по операцијата ја помина мирно
Медицинскиот персонал кој го следи постоперативниот тек на Папата известува дека папата Фрањо имал мирна ноќ и дека можел долго да се одмори; тој е во добра општа состојба, буден и самостојно дише. Добри се рутински прегледи. Во текот на целиот ден ќе се придржува на потребниот постоперативен одмор – извести на 8 јануи 2023 година Матео Бруни, директор на Канцеларијата за печат на Светиот Престол, по лапаротомијата и пластичната операција на абдоминалниот ѕид со протеза, на кои Папата беше подложен во среда 7 јуни, во болницата Гемели.
Папата е информиран за пораките на близина и наклонетост
Папата е информиран за пораките на близина и наклонетост што пристигнале во последните неколку часа и изразува благодарност, барајќи истовремено да продолжат да се молат за него – се наведува во соопштението на Канцеларијата за печат на Светиот Престол.
Имено, бројни се пораките на наклонетост и близина со Папата, со желби за брзо закрепнување, изразени со писма, телеграми, преку Твитер: од претседателот на Италијанската Република Серџо Матарела до Белата куќа, од бискупските конференции, претставници од светот на политиката и културата до едноставните верници, меѓу кои и малите пациенти од детската болница Бамбино Гесу кои направија серија цртежи за Папата. Најтрогателна е онаа која го покажува Светиот Отец на болнички кревет, а зад прозорецот стојат четири деца со натпис: „Не плаши се, ние сме со тебе“. Во пописот на имиња стојат: Џорџо, Миа, Самуел и Кјара.
Изјава на хирургот
Д-р Серџо Алфиери, директор на Одделот за абдоминални и ендокрини метаболички медицински и хируршки науки, кој го оперираше Светиот Отец во оваа прилика, но и во јули 2021 година, кога беше неопходна операција, извести за добрата состојба на Папата, само неколку часа по операцијата.
Светиот Отец е добро, тој е буден, свесен и веќе се пошегува прашувајќи: Кога е третата операција? – рече д-р Алфиери пред борјните новинари собрани на прес-конференцијата, која се одржа синоќа во болницата Гемели.
Постоперативното лекување ќе трае неколку дена – соопштија од прес-службата на Светиот Престол, а д-р Алфиери вчера објасни дека операцијата на која папата Фрањо беше подложен обично бара 5-7 дена закрепнување, но бидејќи тој е 87-годишен пациент, ќе се преземат сите неопходни мерки на претпазливост.
Ватикан њуз/к.мк
