Папата Лав XIV го одобри објавувањето на новите Правилници на Римската курија, со кои се спроведува реформата воведена со Апостолската конституција „Praedicate Evangelium“.
Правилникот на Римската курија и Правилникот за персоналот на истата институција беа објавени во понеделник, на 24 ноември 2025 година.
Тие беа потпишани во недела, на 23 ноември, од страна на папата Лав XIV, на празникот на нашиот Господ Исус Христос, Цар на Вселената, општо познат како Празник Христос Цар.
Правилникот на Римската курија се однесува на институциите и службите што ја сочинуваат Римската курија, имено Државниот секретаријат, Дикастериите, Судските тела и Економските тела.
Правилникот за персоналот се однесува на нормите од организациски, дисциплински и економски карактер што се однесуваат на работниот однос на персоналот што служи во Државниот секретаријат, Дикастериите, Органите и службите што ја сочинуваат Римската курија, како и институциите поврзани со Светиот Престол.
Новите прописи ги заменуваат оние одобрени од папата Свети Иван Павле II на 15 април 1999 година, кои стапија во сила на 1 јули истата година.
Тие ги вклучуваат и имплементираат модификациите, иновациите и упатствата воведени од покојниот папа Фрањо со Апостолската конституција „Praedicate Evangelium“ од 19 март 2022 година.
Ватикан њуз/к.мк
