Во Католичката црква „Пресвето Срце Исусово“ во Битола, на 26 декември 2025 година, Скопскиот бискуп и Струмичко-скопски епарх монсињор д-р Киро Стоајнов, служеше света Литургија, во сослужение на парохот дон Томаш Бак и протојереј ставрофор отец Марјан Ристов. Потоа бискупот присуствуваше и на традиционалниот Божиќен концерт каде се обрати на присутните.
Концертот е во организација ма Заедницата на Хрвати, огранок Битола, во соработка со Католичката црква и КУД „Стив Наумов“ од Битола, со настап на мешаниот хор. Координаторите на настанот беа парохот Томаш Бак и м-р Јелена Петровска, кои повеќе години наназад соработуваат при организирацијата на концертот.
Под диригентската палка на Лилјана Трајковска Димески, хорот изведе повеќе напеви од западен и источент обред, како и популарната Carol of the bells на англиски јазик. Концертот го збогатија и учениците од Државно музичко училиште од Битола, Алексеј Ивановски со соло точка под менторство на профњсор Маја Митровска и Јован Тошевски на хармоника во класа на Владимир Андреевски.
к.мк
