Папата во Белгија: На Европа и треба Белгија за да продолжи по патот на мирот и братството меѓу народите
Во својот прв говор во Белгија, „мостот“ кон Европа, папата Фрањо предупреди дека сме „блиску до светска војна“ и се молеше Стариот континент да го стави животот на прво место. Најостро ја осуди злоупотребата на малолетниците во Црквата
По пристигнувањето во Белгија, во петок 27 септември 2024 година, Светиот Отец Фрањо му се обрати на кралот Филип, на другите претставници на државните власти, на граѓанското општество и на Дипломатскиот кор во неговиот прв официјален говор во замокот Лаекен.
Тој посочи дека Белгија не е територијално голема земја, но поради својата специфична историја, европските народи, уморни и изнемоштени по Втората светска војна, оттаму започнаа сериозно патување на пацификација, соработка и интеграција, гледајќи на Белгија како на природен центар на главните европски институции. „Белгија се појави речиси како синтеза на Европа, идеално место од каде може да започне новаta европска обнова – физичка, морална и духовна“, потсети папата Фрањо и додаде:
На Европа сè уште и е потребна Белгија за да може да продолжи по патот на мирот и братството меѓу народите што ја сочинуваат. Оваа земја ги потсетува сите други дека – кога, врз основа на најразновидни и најнеодржливи изговори, границите и договорите почнуваат да не се почитуваат, а на силата на оружјето му се препушта правото да создава закони и да ги уништува постоечките – се отвора Пандорината кутија и сите ветрови почнуваат силно да дуваат и ја тресат куќата, заканувајќи се да ја уништи.
Во таа смисла, рече Папата: „Белгија го потсетува европскиот континент е поскапоцена од кога и да е, имајќи предвид дека дава непобитни аргументи за развој на постојана и правовремена културна, социјална и политичка акција, храбрa и воедно разборитa, која исклучува иднина во која новата идеја и практиката на војна стануваат можна опција – со катастрофални последици“. Спомнувајќи ја историјата, која многу често не се слуша како учителка на животот, Папата од Белгија ја повика Европа „да го открие своето вистинско лице и повторно да инвестира во иднината, отворајќи се кон животот и надежта, за да се победи демографската зима и пеколот на војната“.
Како што истакна римскиот првосвештеник во своето обраќање, „Црквата секогаш ја објавува Радосната вест која може да ги исполни срцата со радост, дела на милосрдие и безброј сведоштва за љубов кон другите и се труди да понуди конкретни знаци и докази за љубовта што ја придвижува.
Меѓутоа, со плодовите на голема великодушност и голема посветеност, понекогаш има и болни противсведоштва. Пред сè мислам на драматичните настани на злоупотреба на деца, зло со кое Црквата се соочува решително и цврсто, слушајќи ги и следејќи ги повредените, додека спроведува широко распространета превентивна програма низ целиот свет.
Но, денес во Црквата постои ова злосторство; Црквата мора да се засрами и да се моли за прошка, да се обиде да ја реши оваа ситуација со христијанска понизност и да ги исполни сите предуслови тоа никогаш да не се повтори.
Папата со жалење се осврна и на феноменот на „присилно посвојување“, кое се случувало и во Белгија меѓу педесеттите и седумдесеттите години на минатиот век, кога децата се одземале од немажените мајки.
Како наследник на апостол Петар, го молам Господа Црквата секогаш да наоѓа сила во себе за разјаснување и да се спротивстави на доминантната култура, дури и кога таа култура – манипулирајќи – ги користи вредностите произлезени од Евангелието, но донесува неоправдани заклучоци, со тешки последици од страдање и исклучување.
Тој ги повика лидерите на нациите, гледајќи ја Белгија и нејзината историја, да знаат како да учат од неа и на тој начин да заштедат пари за своите народи кои трпат бескрајни несреќи и безброј смртни случаи.
Исто така, се молам властите да знаат како да преземат одговорност, ризик и чест на мирот и да знаат како да го спречат ризикот, срамот и апсурдноста на војната. Барам да се плашат од судот на совеста, од судот на историјата и од судот Божји, и да се обратат нивните погледи и срца, секогаш ставајќи го општото добро на прво место.
Истиот ден, попладнето Светиот Отец се сретна со универзитетски професори на Католичкиот универзитет во Лувен. Утре претпладне е најавена средба на Папата во Брисел со епископи, свештеници, ѓакони, лица со посветен живот, теолози и пасторални соработници.
Ватикан њуз/к.мк
