УНИЦЕФ: Драматична е состојбата со децата во Јужен Судан

УНИЦЕФ: Драматична е состојбата со децата во Јужен Судан

Трагедијата која го погоди Јужен Судан, во кој повеќе од пет години трае крвавиот конфликт, посебно ги погодува децата кои се жртви на неисхранетост, болести, присилно регрутирање, насилство и неможност за образование.

Предупредувањето содржано во извештајот на УНИЦЕФ

УНИЦЕФ упати силен повик за соочување со таа хуманитарна криза, и во новиот извештај насловен „Децата под напад“, пренесува драматични податоци: повеќе од 2.300 деца се убиени или ранети; повеќе од 19.000 малолетници се војници и примени во вооружени групи; околу 3 милиони деца живеат во многу тешки услови на небезбедна прехрана, а повеќе од еден милион страда заради акутна неисхранетост.

Ситуацијата би може и уште да се влоши – рече Андреа Јакомини, гласноговорник на УНИЦЕФ Италија, истакнувајќи дека во Јужен Судан речиси два и пол милиони малолетници се приморани да го напуштат сопствениот дом; 2 милиони деца не посетуваат училиште, а околу 900.000 деца страдаат заради психолошки стрес. За жал, тоа не е сè; се зборува и за повеќе стотина случаи на силување и сексуално насилство над малолетници. Како што е истакнато во извештајот, годините на небезбедност и насилство оставиле страшни последици на децата, ставајќи во опасност цели генерации.

Ангажирањето на УНИЦЕФ: Здравствена помош, вакцинација, вода

Ниту едно дете не смее да доживее такви стравови и лишувања – истакна Леила Пакала, регионална директорка на УНИЦЕФ за источна и јужна Африка, и додаде: Децата во Јужен Судан секојдневно се соочуваат со тоа и итно им е потребен мир и безбедна и заштитена средина. Пружењето помош на сите на кои им е потребна и понатаму е предизвик кој УНИЦЕФ го прифати, заедно со другите невладини организации и тоа среде бројните тешкотии заради кои таа земја за хуманитарните работници е најопасна во светот. За да го продолжи своето ангажирање во 2018 година, УНИЦЕФ упати апел за 183 милиони долари. Во моментот се обезбедени 77% од бараниот износ.

РВ/к.мк

Категорија: Вести, Свет

За авторот