Томас Мертон: Медитацијата на сиромасите во осаменост

Томас Мертон: Медитацијата на сиромасите во осаменост

Ќе ти го дадам она што го сакаш. Ќе те водам во осаменоста. Ќе те водам низ патот кој неможеш никако да го разбереш, затоа што сакам тоа да биде најбрзиот пат.

Затоа сите работи околу тебе ќе бидат против тебе, за да те отргнат, за да те повредат, за да ти нанесат болка. И те доведат во осаменост.

Поради нивното непријателство, наскоро ќе останеш осамен. Тие ќе те исфрлат, прогонат, ќе се одречат од тебе и ќе бидеш сам.

Сѐ што ќе те допре ќе те изгори, и ти ќе ја повлечеш раката во болка, сѐ додека не се повлечеш од сѐ. Тогаш ќе бидеш сосема сам.

Сѐ што можеш да посакаш ќе те испржи, и ќе ја изгори раната твоја со железо, и ти во болка ќе побегнеш, за да бидеш сам. Секоја создадена радост ќе ти дојде само како болка, и ќе се оттргнеш од сите радости и ќе останеш сам. Сите добри работи кои другите ги сакаат и бараат ќе дојдат кај тебе, но само како убијци за да те одвојат од светот и неговата радост.

Тебе ќе те фалат, а тоа ќе биде како да гориш на клада. Ќе те сакаат, и ќе го убијат твоето срце и ќе те одведат во пустина.

Ќе ги имаш даровите, кои ќе ти скршат со своите товари. Ќе го имаш задоволството на молитвата, и ќе ти создадат мака, и ќе бегаш од неа.

А кога малку ќе те фалат и сакаат, јас ќе ги одземам сите твои дарови и целата твоја љубов и целата твоја пофалба и ти ќе бидеш потполно заборавен и напуштен и ќе бидеш ништо, мртва работа, отфрлена. О, тој ден ќе почнеш да ја поседуваш самотијата која толку долго ја сакаше. А твојата самотија ќе донесе огромен плод во душите на луѓето кои никогаш нема да ги видиш на земјата.

Немој да прашуваш кога тоа ќе биде или каде ќе биде или како ќе биде: на планината, во затворот, во пустината или концентрациониот логор, во болницата или во Гетсеманија. Тоа не е важно. Затоа немој да ме прашуваш, затоа што нема да ти кажам и нема да знаеш сѐ додека не влезеш во тоа.

Но ќе ја вкусиш вистинска самотија на мојата болка и сиромаштија и јас ќе те водам до храмот на мојата радост и ти ќе умреш во Мене и ќе ги пронајдеш работите во Мојата милост која те создаде за оваа цел и те доведе од Прадеш до Бермуди, од Свети Антонин до Оакхама и Лондон, од Кембриџ и Рим до Њујорк и Колумбија, од Корпус Кристи и Свети Бонавентура до цистеризијанската опатија на сиромашни луѓе кои работат во Гетсеманија:

Да можеш да станеш брат Божји и да научиш да го познаваш Христос на спалените луѓе.

Т. Мертон, „Гора со седум кругови“

Битно.нет

Таг: Медитација

Клучни зборови:

Категорија: Духовност

За авторот