Светиот Отец апелира за мир во Либија

Светиот Отец апелира за мир во Либија

После пладневната молитва на плоштадот Свети Петар, папата Фрањо се обрати до меѓународната заедница да се ангажира за воспоставување мир во Либија и да им помогне на бројните мигранти кој се наоѓаат во таа северноафриканска земја.

Со големо треперење ја следам драматичната ситуација во Либија која последните денови беше присутна во моите молитви – рече Папата после пладневната молитва во недела 14 јуни 2020 година и поттикна: Ги повикувам меѓународните организации и сите кои имаат политичка и воена одговорноста да започнат со барањето на пат кој води до мир, стабилност и единство на земјата. Молам и за илјадниците мигранти, бегалци и азиланти и раселени луѓе во Либија. Здравствената ситуација ги влоши нивните несигурни услови кои со искористувањето и насилството ги направија да бидат уште повеќе ранливи. Ја повикувам меѓународната заедница да ја земе во предвид нивната ситуација, овозможувајќи патишта и давајќи средства за да им се обезбеди потребната заштита, достоинствени услови и иднина која ќе им дава надеж.

Денес се одбележува Светскиот ден на крводарители. Ова е можност да се поттикне нашето општество да биде солидарно и чувствително кон оние на кои им е потребна. Ги поздравувам присутните волонтери и искажувам почит кон сите оние кои го вршат тоа едноставно, но многу важно дело за помош на ближниот – рече на крајот папата Фрањо.

Ватикан њуз/к.мк

Категорија: Ватикан

За авторот