Радоста за воскресението не смее да се задржи само за себе

Радоста за воскресението не смее да се задржи само за себе

За да го поттикне посланието Исус на апостолите им го подари Светиот Дух, оган кој ги уништува гревовите и создава нови мажи и жени – рече Светиот Отец во пладневниот говор во недела 31 мај 2020 година.

Денес го славиме празникот Духовден како спомен на слегувањето на Светиот Дух врз првата христијанска заедница – рече папата Фрањо пред молитвата Царице небесна, после подолго време од прозорот на Апостолската палата и истакна: Зборовите кои Воскреснатиот ги упати на апостолите: Мир вам! искажуваат простување на апостолите затоа што го напуштија. Својот мир го дава на учениците кои се плашеле и на кои им беше тешко да веруваат во она што го гледале и слушале.

Простувајќи им и собирајќи ги учениците околу себе, Исус од нив создаде Црква, помирена заедница која е подготвена за послание – рече Папата и потсети: Средбата со воскреснатиот Господ ги промени апостолите во храбри сведоци. Имено апостолите се повикани да го продолжат посланието кое Отецот го довери на Исус. Не е време да бидат затворени, ниту пак да плачат за времето кое го поминаа со Учителот. Радост за воскресението е голема, но се шири и не смее да се задржи за себе. Сите настани околу воскресението, во вид на послание, упатени се на зајакнување на нашата и на верата на учениците.

Токму, за да го поттикне посланието Исус на апостолите им го дарува Светиот Дух, оган кој ги уништува гревовите и создава нови мажи и жени, оган на љубов со кој учениците ќе можат да го запалат светот; љубов на нежност која дава предност на малите, сиромашните и исклучените. Во светите Тајни ги примаме даровите на Светиот Дух кои ни даваат сигурност во неговото милосрдие, добрина и доверба дека можеме да одиме во правецот кој ни го покажа, а никогаш да не ни недостасува неговата присутност и помош. Светиот Дух нека ни даде храброст да излеземе од своите тврдини, не прилагодувајќи се на мирниот живот и не затворајќи се во неплодни навики – рече на крајот папата Фрањо.

Ватикан њуз/к.мк

Категорија: Ватикан, Вести

За авторот