Во сабота 11 март 2017 година во парохијата „Свети Пророк Илија“ се одржа средба на млади од Апостолскиот егзархат во Македонија. Средбата ја отвори деканот на Денатот „Свети Кирил и Методиј“ при Апостолскиот егзархат о. д-р Зоран И. Стојанов, кој по воведниот дел го повика Н.В.П. монс. д-р Киро Стојанов да им се обрати на младите.
Поздравувајќи ги младите и искажувајќи голема радост за бројното присуство, епископот Стојанов одржа катехеза за младите. Во неа тој зборуваше за христијанскиот повик при што истакна дека најдобар повик е „сопствениот повик“.
Потоа парохиите од Радово, Струмица – катедрала, Нова Маала, Струмица – Свети Иван Крстител и Петралинци се претставија со кратка програма поврзана со молитвата.
Средбата продолжи во парохиската сала во заедништво и дружење.
к.мк
Не е дозволено преземање на оваа содржина или делови од неа за понатамошно користење во печатена, дигитална или било која друга форма за умножување без писмена дозвола од редакцијата на Католици.мк
