Претставување на скаутското движење во Скопје

Претставување на скаутското движење во Скопје

Во сабота 10 јуни 2017 година во парохиските простории на Катедралната парохија „Пресвето Срце Исусово“ во Скопје се одржа презентација на извидништвото односно скаутизмот. Името на организацијата е Федерација на скаути на Европа, која е присутна во најголем број од европските земји, од Португалија до Русија.

Голем број на деца, родители и млади аниматори имаа можност да се запознаат со ова движење за деца и млади кое постои повеќе од сто години. На средбата беа претставени историјата, начелата, статутите на скаутите и структурата.

Во рамките на ова движење децата и младите се воспитуваат да го сакаат Бог, своите блиски, својата татковина и Европа. За младите ќе се отвори еден пат во парохијата да се запознаат себе си, да ги откријат своите можности и да им служат на другите. Сите активности на ова католичко движење се реализираат преку игра и забава во природно опкружување, во движење и заедништво. За да можат младите и децата поконкретно да се запознаат со оваа црковно движење на почетокот од учебната година се планира да се оранизира излет за заинтересираните од парохијата.

РВ/к.мк

Категорија: Вести, Македонија

За авторот