Папата ќе крсти деца од регионот погоден од земјотрес

Папата ќе крсти деца од регионот погоден од земјотрес

Папата Фрањо на 14 јануари 2017 година ќе крсти деца од подрачја во околината на италијанските градови Аматриче и Акумоли, кои оваа година беа погодени од силен земјотрес – изјави епископот на Риети монс. Доменико Помпили.

Светиот Отец би требало да крсти осум деца во Папската резиденција на домот Света Марта, а станува збор за деца кои се родени после тешкиот земјотрес на 24 август 2016 година.

Во земјотресот загинаа околу 300 луѓе, а историските села во погодените подрачја скоро се целосно уништени. Додаваме дека Папата како и обично на празникот на Господовото Крштение во Сикстинската капела ги крштева новороденчињата на вработени во Ватикан.

РВ/к.мк

Не е дозволено преземање на оваа содржина или делови од неа за понатамошно користење во печатена, дигитална или било која друга форма за умножување без писмена дозвола од редакцијата на Католици.мк

Категорија: Ватикан, Вести

За авторот