Папата Фрањо: Итно ни е потребен поинаков економски модел, сегашниот е неодржлив

Папата Фрањо: Итно ни е потребен поинаков економски модел, сегашниот е неодржлив

Во саботата, на 21 ноември 2020 година, Светиот Отец го затвори меѓународниот виртуелен состанок со млади претприемачи, нагласувајќи ја потребата од итно преминување во поинаков економски модел за да и се помогне на „злоупотребената“ земја, на сиромашните и маргинализираните .

Во видео порака до учесниците на состанокот, папата Фрањо во саботата попладне, 21 ноември, рече: „Знаете дека е итно потребен поинаков економски контекст, одговорно да го прифати фактот дека сегашниот светски систем е неодржлив од различни гледишта и влијае на нашата сестра Земја, која многу е искористена, како и сиромашните и маргинализираните“.

„Сериозноста на сегашната состојба, дополнително влошена од пандемијата КОВИД-19, бара одговорна свест од сите општествени чинители, од сите нас“, објасни Светиот Отец. „Откако ќе заврши кризата што сега ја доживуваме, најлошата реакција ќе биде да паднеме во уште полош консумеризам.

Папата не престанува да го критикува циничниот свет на економијата

За седум и пол години од понтификатот, аргентинскиот Папа не престанува да го критикува циничниот свет на економијата, рамнодушен кон социјалните нееднаквости и намалувањето на природните ресурси на планетата.

На почетокот на октомври, тој ја објави енциклика „Сите сме браќа“, во која тој повторно ја напаѓа неолибералната догма, која тој ја нарече „мизерна мисла“ и „финансиска шпекулација“ заснована на „брз профит“.

Тридневна видео конференција по иницијатива на Папата, наречена „Економија на Фрањо“, беше проследена од околу 2.000 млади претприемачи и студенти од околу 40 земји кои сакаат да ги променат сегашните економски модели и да изградат поправедна иднина.

Ватикан њуз/к.мк

Категорија: Ватикан, Вести

За авторот