Папата молеше за мир во Асирско-калдејската католичка црква

На 30 септември 2016 година навечер папата Фрањо се сретна со претставници на Асирско – калдејската заедница во црквата Свети Симон. Католичката асирско – калдејска мисија во Грузија е основана во 1995 година и се наоѓа под јурисдикција на Ватикан.

Светиот Отец на таа средба молеше за мир во светот. Молитвата на папата Фрањо ја даваме во целост:

Господи Исусе,

се поклонуваме на твојот крст

кој нè ослободува од гревот, од изворот на секоја поделба и зло;

го навестуваме твоето воскресение;

кое го откупува човекот од ропството на неуспехот и смртта;

го чекаме твоето славно доаѓање,

со кое ќе го воспоставиш твоето царство на праведност, среќа и мир.

Господи Исусе,

преку својата славна мака,

надмини ја тврдоста на нашите срца,

затворени во омраза и себичност;

преку силата на своето воскресение,

избави ги жртвите на неправдата и злоупотребата од нивните страдања;

преку верноста на своето доаѓање,

победи ја културата на смртта и дади да блесне победата на животот.

Господи Исусе,

обедините со својот крст на страдање на толку невини жртви;

деца, стари и прогонети христијани;

зафати ги со својата пасхална светлина оние кои се длабоко ранети:

злоупотребуваните луѓе, лишени од слободата и достоинството;

нека тие кои живеат во несигурност ја искусат непрекинатата постојаност на твоето царство:

прогонетите, бегалците и оние кои ја загубиле радоста на животот.

Господи Исусе,

нека сенката на твојот крст падне на завојуваните народи;

дади да го научат патот на помирувањето, дијалогот и простувањето;

народите изморени од искуството на бомбардирањето да ја искусат радоста на твоето воскресение:

подигни ги Ирак и Сирија од урнатините;

обедини ги своите распрснати деца под своето благо владеење:

воздржи ги христијаните во дијаспората и дади им го единството на верата и љубовта.

О, Дева Марија, Царице на мирот,

која си стоела под крстот,

испроси ни од Синот свој простување за нашите гревови;

ти која никогаш не си се сомневала во победата на неговото воскресение,

зачувај ја нашата вера и нашата надеж;

ти која си устоличена како Царица во славата,

научи нè на царскиот пат на служење и славата на љубовта.

Амин.

РВ/к.мк

Не е дозволено преземање на оваа содржина или делови од неа за понатамошно користење во печатена, дигитална или било која друга форма на умножување без писмена дозвола од редакцијата на Католици.мк
Категорија: Ватикан

За авторот