На крајот од Генералната аудиенција, папата Фрањо ја изрази својата близина до населението во Мозамбик, Зимбабве и Малави погодени од големите поплави кои ги предизвика циклонот „Идаи.“
Тага и близина – се чувствата кои папата Фрањо ги изрази на крајот од Генералната аудиенција осврнувајќи се на населението кое е погодено од циклонот „Идаи“ кој уништи цели подрачја помеѓу Мозамбик, Зимбабве и Малави.
Овие денови големите поплави предизвикаа тага и уништување на повеќе подрачја во Мозамбик, Зимбабве и Малави. На тој мил народ им го изразувам своето сочувство и близина. Големиот број жртви и нивните семејства ги доверувам на Божјото милосрдие и повикувам утеха и поддршка за сите оние кои ги погоди таа катастрофа – рече Светиот Отец.
Апелот на епископите од Малави
Додека заеднички се бориме за да одговориме на несреќата која нè погоди, упатувам апел до сите католици и луѓе со добра волја, до агенциите за развој и меѓународните партнери, да ни помогнат да ги поддржиме нашите браќа и сестри кои останаа изолирани – е апелот на епископите од Малави кој го пренесе агенцијата Фидес, а кои го упатија после големите поплави кои ја погодија таа земја по поминувањето на циклонот „Идаи“. Најитно е потребна храна, шатори, лекови и уреди за прочистување на водата.
Помош од локалните Каритаси
Состојбата е ужасна – така спасувачите гo опишаа подрачјето кое ги опфаќа погодените делови на Мозамбик, Зимбабве и Малави. Една недела силни, обилни дождови ги уништија домовите и јавните институции и ги прекинаа најважните патишта. Многу голем е и бројот на жртвите, најмалку 200 лица настрадаа иако некои проценки зборуваат и за 1000 загинати. Евакуирани се стотина илјадници луѓе. На помош на погоденото население веднаш се приклучија локалните Каритаси кои делат намирници за најсновните потреби и настојуваат да се избегне ширење на епидемии.
Нашата помош е тешка, но е потребна. Настојуваме да правиме сè што е можно и нема да запреме се додека состојбата не се нормализира – рече во разговор за Радио Ватикан Фабрицио Кавалети водач на Канцеларијата за Африка на Италијанскиот Каритас. Од час во час состојбата е се потешка, бидејќи посебно градот Беир – приморски град во Мозамбик со повеќе од 500.000 население е уништен до темел.
Затоа навистина се плашиме дека бројот на жртвите нагло ќе расте – вели Кавалети и додава дека циклонот бил посебно силен до сега невиден. Уверен дека причината за тоа се климатските промени, рече дека истражувањата покажале дека во последните неколку децении зачестеноста и силата на тие појави се зголемила.
Ватикан њуз/к.мк
