Папата ги поздрави малите пациенти во Џенова

Папата ги поздрави малите пациенти во Џенова

Во сабота 27 мај 2017 година папата Фрањо ќе замине на Апостолска посета во Џенова. Меѓу настаните кои со нетрпение се очекуваат е средбата со малите пациенти и нивните семејства во детската болница „Џанина Гаслини“. Папата веќе приготви изненадување за малите пациенти.

Имено, на 25 мај попладнето Светиот Отец преку парохиското радио наречено „Радио меѓу ноти“, кое е основано од свештеникот дон Роберто Фискер, стапи во контакт со малите пациенти во емисијата која секоја среда се емитува во живо, а се посветува на спомнатата детска болница.

Драги деца, штитеници на болницата Гаслини во Џенова, сите вас ве поздравувам со љубов во исчекување на нашата средба во сабота – со тие зборови Папата се обрати на малите пациенти. Сакам да ви кажам дека со радост го очекувам моментот, кога ќе ве сретнам вас и вашите семејства; доаѓам за да бидам поблиску до вас, да ве слушнам и да ви ја пренесам Исусовата нежност. Тој постојано е покрај нас, посебно кога сме во тешкотии и во потреба. Тој постојано ни дава доверба и надеж. Веќе сега се молам за вас, но и вие, ве молам, молете се за мене. Ви благодарам, се гледаме во сабота – рече папата Фрањо.

После поздравот Папата заедно со децата измоли Радувај се Маријо и на малите пациенти и нивните семејства им даде апостолски благослов.

РВ/к.мк

Категорија: Ватикан, Вести

За авторот