Одбележување на Светскиот ден на болните

Одбележување на Светскиот ден на болните

Папата Иван Павле II го основа денот на болните во 1992 година, со цел да сензибилизира општеството за потребите на болните, но и да се искаже благодарност на здрвствените работници и сите оние кои се грижат за болните.

Светскиот ден на болните е основан од папата Иван Павле II. со посебно писмо од 13 мај 1992 година и упатено до кардиналот Фиоренцо Анџелини, шеф на тогашниот  Папскиот совет за пасторална грижа на здравствените работници. Целта на овој ден е да се сензибилизира општеството за потребите на болните и да им се обезбеди подобра здравствена и социјална грижа, а со тоа и квалитетна здравствена заштита за секој болен.

Светскиот ден на болните е можност да се потсетиме на правата што ги има секој од нас кога е болен, а секој од нас бил и ќе биде болен и постојано имаме потреба од соодветен медицински третман. Затоа Папата Фрањо често пати истакнува дека секој човек заслужува достоинствена здравствена заштита

За датум на прославата на Светскиот ден на болните е земен 11 февруари, кога Католичката црква го слави празникот Пресвета Богородица од Лурд, бидејќи маријанското светилиште во Лурд, кое се наоѓа во Франција е познато по бројните чудесни исцеленија и стана место каде доаѓаат голем број болни од целиот свет кои што се молат за оздравување и милости од Бога преку застапништвото на Пресвета Богородица од Лурд. Во оваа богородично светилиште го имаат посетено и ходочаснички групи од Македонија.

Светскиот ден на болните е поврзан со пораките од Лурд кои повикуваат на покајание и преобраќање. Болеста е можност за покајание, но е и милосно време, можност за посветување и преобраќање на и болните и луѓето што се грижат за нив.

По повод одбележувањето на Светскиот ден на болните Скопскиот бискуп и Струмичко – скопски епарх, монс. Киро Стојанов секоја година во недела која е најблиску до 11 февруари во Катедералата „Успение на Пресвета Богородица“ во Струмица служи света Литургија во присуство на болни и медицински персонал и посетува болни лица и на овој начин Црквата ја покажува својата духовна и светотаинска грижа за сите болни, а посебно за верниците. Светотаинската грижа на Црквата за болните исто така се покажува и преку побожноста Прв Петок во месецот и причест на болните, старите и изнемоштените лица во нивните домови.

На овој ден посебно е потребно да се потсетиме на нашите болни, да молиме за нив, поможност во овие денови и да ги посетиме, да им даде охрабрување, близина и нежност. Воедно потребно е да се заблагодариме на сите кои се грижат за болните, а тоа се здравствените работници, но и на бројните други вработени и волонтери кои со својата благородна работа се грижат за потребите на болните.

к.мк

Категорија: Колумни

За авторот