На Исус му се потребни мисионери

На Исус му се потребни мисионери

Прифаќајќи го Исусовото вдахновение и повик како мисионери стануваме амбасадори на неговата љубов. Тоа е пасторалното делување на еден мисионер.

Преку Крштението сите сме мисионери, а на посебен начин тоа се монасите и монахињите и свештениците. Па, секој христијанин е мисионер, а понекогаш за тоа и да не е свесен. Луѓето кои нѐ опкружуваат ги гледат нашите животи и на начинот на кој живееме, со своето однесување ние им ја испраќаме пораката за спасение. Ние сме нивни мисионери. Тоа е нашето мисионерско поле за работа. Најпрво нашата семејна, општествена и професионална средина. Тука сме најпрво мисионери.

Но не и само тука. Исус има право да нѐ има во предвид и за далечните, непознати краишта затоа што и на народите во тие далечни земји Тој сака да им ја донесе Радосната вест за спасението. А кој од нас да го испрати? Нас, тебе и мене. Тој има право на нас! Прифаќајќи го Исусовото вдахновение и повик како мисионери стануваме амбасадори на неговата љубов. Тоа е пасторалното делување на еден мисионер. За него не е важно ниту дали го знае јазикот, ниту дали ја познава културата на народот каде што оди, ниту колку пари поседува. Не му е важна ниту желбата за успех во мисионерската работа односно колку тој ќе има влијание на луѓето и општеството. Она што е прво и најважно за мисионерот е заљубеноста во Исуса и препуштање на неговите вдахновенија. Само преку еден таков мисионер Бог зборува.

Да ги преобрати другите не е задача на мисионерите. А чија е тогаш? Тоа е дело Божјо, тоа е Исусова грижа. Луѓето не ги менува мисионерот, туку Исус. Мисионерот едноставно ги сака своите ближни, им служи, им говори и им ја сведочи Радосната вест на сите со кои се среќава на патот. За да се променат срцата на другите треба да се потпреш на Бoог и да прифатиш да делуваш на негов начин. Тоа е сѐ што Исус бара од нас и та е целата „работа“ на еден мисионер. Кога ќе ја ставиме својата доверба во него, Тој го менува светот. (…)

Драги свештениче, драга моја сестро – Му требаш на Исус во мисија. Дади му ја својата согласност.

дон Антун Штефан/мисије/мк

Не е дозволено преземање на оваа содржина или делови од неа за понатамошно користење во печатена, дигитална или било која друга форма на умножување без писмена дозвола од редакцијата на Католици.мк

За авторот