Во понеделник, 21 ноември 2022 година, надбискупот и митрополит Врхбосански и Апостолски управител на Воениот ординариј, монс. Томо Вукшиќ, придружуван од Скопскиот бискуп и Струмичко-скопски епарх, монс. Киро Стојанов во претседателската резиденција во Скопје оствари средба со претседателот на Македонија, г-дин Стево Пендаровски.
Во пријатен разговор, соговорниците се осврнаа на теми значајни за Католичката црква во Македонија и нејзината поврзаност со митрополијата Врхбосна и изразија поддршка за екуменскиот и меѓурелигискиот дијалог. Надбискупот му се заблагодари на претседателот за приемот и за неговиот интерес за животот на Католичката црква во Македонија.
к.мк
