Молитви на Папата за Еквадор и Украина

Молитви на Папата за Еквадор и Украина

Еквадор и Украина се земјите на кои папата Фрањо потсети на крајот од молитвата Ангел Господов, во недела 26 јуни 2022 година. Еквадор се соочува со социјални тензии кои доведоа до немири и насилство; а во Украина продолжува бомбардирањето.

Во своето обраќање по молитвата, Папата спомена дека загрижено ја следи тешката општествена ситуација во Еквадор:

Близок сум со тој народ и ги охрабрувам сите страни да се откажат од насилството и екстремните позиции. Да научиме: само со дијалог, се надевам наскоро, ќе пронајде општествениот мир, со посебно внимание на маргинализираното население и најсиромашните, но секогаш со почитување на правата на сите и на институциите во земјата.

Поздравувајќи ги ходочасниците, Папата ги забележа и украинските знамиња и уште еднаш потсети на тешката ситуација во таа источноевропска земја.

Гледам дека тука има знамињата на Украина: таму, во Украина, бомбардирањата продолжуваат да предизвикуваат смрт, уништување и страдање на населението. Ве молам, не заборавајте го тој народ разурнат од војна. Да не го заборавиме тоа во нашите срца и во нашите молитви.

Ватикан њуз/к.мк

 

Категорија: Ватикан, Вести

За авторот