Меѓународната заедница може да направи многу повеќе за мигрантите

Меѓународната заедница може да направи многу повеќе за мигрантите

Меѓународната заедница може да направи многу повеќе на сите нивоа за да ја насочува миграцијата и да ги поддржува мигрантите – рече исусовецот во разговор за интернет порталот „Vatican Insider“ во пресрет на Светскиот ден на мигрантите и бегалците кој се одбележува на 14 јануари.

Папата инсистира премногу на мигрантите и бегалците? Ние сме тие кои сме премногу спори во својот одговор – истакна потсекретарот на Канцеларијата за мигранти и бегалци при Дикастеријата за промовирање на интегрален човеков развој, отец Мајкл Черни, повикувајќи на поотворена миграциска и бегалска политика. Меѓународната заедница може да направи многу повеќе на сите нивоа за да насочува миграцијата и да ги поддржува мигрантите – рече исусовецот во разговор за интернет порталот „Vatican Insider“ во пресрет на Светскиот ден на мигрантите и бегалците кој се одбележува на 14 јануари.

Ватикан бараше дијалог со националните епископски конференции, католичките организации и другите институции за заедно да ги развијат четирите глаголи на Папата – прими, заштити, промовирај, интегрирај – во 20 акциски точки кои се засноваат на социјалната наука на Црквата и нудат добри практики за решавањето на моменталните проблеми – рече о. Мајкл. Тој напомена дека одговорноста е како на властите и заедницата така и на претприемачите, академиците и медиумите да ги земат во предвид ресурсите и капацитетите, како и потребите и огранучувањата на своите држави, покраини или области.

Одговорноста е лидерите да пронајдат добри решенија за реалните проблеми, повикувајќи се на она најдоброто во јавните работи – продолжи о. Мајкл. Вистинскиот лидер покажува дека општото добро може и треба секогаш да се бара, и тоа не може да биде навистина добро ако навистина не е општо: нема т.н. „општо добро“ кое се развива од страв, одбранбен систем, маргинализација – предупреди исусовецот.

Отец Мајкл Черни рече дека спомнатите акциски точки претставуваат корисна алатка за планирање и евалуација на одговорот на Црквата како и на секоја заедница на мигранти, баратели на азил, раселени луѓе и жртви на трговијата со луѓе. Меѓу добрите практики се проширувањето на законските и сигурните патишта за сите мигранти, издавањето на хуманитарни визи, преселувањето во трета земја, програми за стипендирање, хуманитарните коридори, или студенските визи за млади бегалци кои живеат во бегалски кампови. И спојувањето на семејствата може да биде сигурен и законски канал, а покрај тоа овозможува полесна интеграција – објасни о. Мајкл.

Освен тоа, исусовецот се спротивстави на ставот дека папата Фрањо посветува премногу внимание на прифаќањето на мигрантите и бегалците. Отец Мајкл предупреди дека многумина сметаат дека е претерана спорноста со која „развиениот“ свет реагираше на толку очигледни и итни потреби. Многумина сметаат за претерана опсесија за националната бебзедност и затворањето на границите на штета на правата и достоинствата на луѓето во бегство. Многумина сметаат за претерана медиумската пристрасност кога станува збор за сензационалистички вести кои поттикнуваат ксенофобија и изолационизам. И многумина сметаа за претеран начинот на кој политичарите го произведуваат или преувеличуваат чувството за криза за да ги промовираат својата краткорочна корист – рече меѓу останатото о. Мајкл Черни.

РВ/к.мк

Категорија: Ватикан, Вести

За авторот