Кардинал Винко Пулиќ го посети Македонски Каритас

Кардинал Винко Пулиќ го посети Македонски Каритас

Во попладневните часови на 22 август 2021 година Н.Е. кардинал Винко Пуљиќ, во придружба на Н.В.П. монс. д-р Киро Стојанов, претседател на Македонски Каритас, оствари средба со директорот Паво Шекерија и персоналот на Каритас, во седиштето на Македонски Каритас во Скопје.

Во срдечна и пријатна атмосфера, директорот Шекерија го информираше и одблиску го запозна кардиналот за моменталните проектни активности кои ги имплементира Македонски Каритас, како и за идните планирани активности кои се во фокусот на Каритас. Од своја страна вработените во Македонски Каритас споделија свои лични искуства од работата на терен помеѓу корисниците на Каритас, како и со секојдневните предизвици со кои се соочуваат.

Кардинал Пуљиќ се заблагодари на директорот Шекерија за поканата и обраќајќи се до присутните ги охрабри дека треба да се бараат иновативни начини на делување, за да бидеме отворени за луѓето во потреба, за љубовта Христова да биде делотворна и да допре до нив.

к.мк

Категорија: Вести, Македонија

За авторот