Во петок 11 декември 2020 година Радио Марија повикува на пост и молитва. Молитвената иницијатива е со благослов на епископот монс. д-р Киро Стојанов, кој ќе ја предводи Светата Бројаница во петок 11 декември во 19.45 часот.
Во објавата на интернет страницата на Радио Марија стои: Драги слушатели, Радио Марија Ве повикува во петок 11 декември 2020 година да се приклучите на иницијативата „Ден за молитва и пост“ за престанок на пандемијата КОВИД – 19.
Во тешките моменти во историјата Црквата и верниците пристапувале на пост и молитва. Па така и ние драги слушатели во петок 11 декември 2020 година ќе упатиме молитви до Господ Исус Христос и Пресвета Богородица, посветувајќи ги за запирање на пандемијата со КОВИД – 19.
Покрај вашата лична молитва Ве повикуваме да се приклучите на следниве наши молитвени програми:
15.00 часот – Бројаница на Божјото милосрдие
17.30 часот – Света Бројаница
18.00 часот – Света Литургија
19.45 часот – Света Бројаница со епископот монс. д-р Киро Стојанов
Господ Бог нека ги услиши нашите молитви.
к.мк
