На Генералната аудиенција во среда 22 декември 2021 година, папата Фрањо повика на итна и конкретна политичка акција за помош на бегалците и мигрантите.
На Генералната аудиенција, папата Фрањо повика на заеднички напори меѓу европските политички лидери и властите за изнаоѓање конкретни решенија за заштита на животите и достоинството на мигрантите кои доаѓаат на континентот. Потсетувајќи се на неодамнешната апостолска посета на Кипар и Грција, Светиот Отец рече дека имал уште една можност да се сретне со мигрантите и бегалците „ранети од човештвото“.
Исто така, открив дека само неколку европски земји го носат товарот на последиците од миграцискиот феномен во Медитеранот, а тоа всушност бара одговорност споделена од сите и од која ниту една земја не може да биде изземена, бидејќи тоа е проблем на човештвото, рече Папата.
Повторниот апел на Папата доаѓа по уште една трагедија во Средоземното Море во која најмалку 160 мигранти се удавија во морето меѓу Либија и италијанскиот остров Лампедуза. Апелот беше упатен и во време кога сè поголем број очајни мажи, жени и деца се обидуваат да го преминат Ла Манш меѓу Англија и Франција или да тргнат по „балканската рута“ во Источна Европа.
Папата Фрањо рече дека благодарение на дарежливата отвореност на италијанските власти, успеал да донесе во Рим група луѓе кои ги запознал за време на патувањето.
Некои од нив се овде меѓу нас денес. Добредојдовте! Ние како Црква ќе се грижиме за нив во наредните месеци. Тоа е мал знак што се надевам дека ќе послужи како поттик за другите европски земји, за да им се овозможи на локалната црковна реалност да се грижи за другите браќа и сестри кои треба итно да се преселат, придружуваат, промовираат и интегрираат, рече Папата.
Тој додаде дека има многу локални цркви, верски заедници и католички здруженија кои се подготвени да ги примат и да ги придружуваат кон плодна интеграција. Сѐ што треба да направите е да ја отворите вратата, вратата на срцето! Да не пропуштиме да го направиме тоа овој Божиќ, повика Папата.
На крајот од Генералната аудиенција, папата Фрањо се сретна со едногодишно дете кое го запозна за време на посетата во бегалскиот камп во Грција на почетокот на декември. Благодарение на напорите на Заедницата Свети Егидиј, едно дете на кое му е потребна медицинска нега беше донесено во Рим со неговото семејство за да добие терапија во ватиканската педијатриската болница Бамбино Џезу.
Ватикан њуз/к.мк
