Ангел Господов: Пресвета Троица е тешко сфатливо таинство, важно е да се живее единството

Ангел Господов: Пресвета Троица е тешко сфатливо таинство, важно е да се живее единството

Бог е заедница и тоа единството е од суштинско значење за христијанинот – истакна папата Фрањо пред молитвата Ангел Господов во недела 30 мај 2021 година на плоштадот Свети Петар и истакна: Тоа не е однесување, туку единство што произлегува од милоста на Бога и присуството на Светиот Дух во нашите срца.

Пресвета Троица е тешко сфатливо таинство; важно е да се живее во единство – истакна папата Фрањо пред молитвата Ангел Господов на плоштадот Свети Петар. На денешниот празник го славиме Бога, таинството на единиот Бог, а тој Бог е Отецот и Синот и Светиот Дух, три лица, но еден Бог!- рече Папата и објасни: Отецот е Бог, Синот е Бог, Светиот Дух е Бог. Но, тие не се три бога, туку само еден Бог во три лица. Ова таинствона Пресвета Троица ни ја откри Исус Христос. Тоа таинство го славиме денес затоа што овие лица не се Божји карактеристики. Тие се вистински и различни личности, а не, како што рече некој филозоф, израз на Бога. Тоа се личности. Тоа е Отецот кој го молиме во Господовата молитва, кој ни даде откуп и оправдување, Светиот Дух кој живее во нас и во Црквата. Ова таинство зборува во нашето срце, бидејќи се наоѓа во изразот на Свети Иван Евангелист кој го сумира целата објава „Бог е љубов“. Отецот е љубов, Синот е љубов и Светиот Дух е љубов.

Колку и да е љубов, Бог, иако еден и единствен, не е осаменост, туку заедништво на Отецот, Синот и Светиот Дух – рече Светиот Отец и продолжи: Бидејќи љубовта во суштина е дар за себе, а во својот почеток и бесконечна стварност е Отец кој се дарува, раѓајќи го Синот кој се дарува на Отецот, а нивната взаемна љубов е Светиот Дух, врска на нивното единство. Не е лесно да се сфати тоа, но сите можеме да го живееме ова таинство. Ова таинство на Пресвета Троица ни ја откри самиот Исус. Тој ни го покажа лицето на Бога во милосрдниот Отец; се покажа себеси, вистински човек, Син Божји и Слово на Отецот, Спасителот кој го даде својот живот за нас и кој зборува за Светиот Дух, којпроизлегува од Отецот и Синот, Духот на вистината, Параклет, односно Утешителот и застапник за кој зборувавме минатата недела. И кога Исус, по воскресението, им се објави на апостолите, ги испрати да ги евангелираат „сите народи, крштавајќи ги во името на Отецот, и Синот, и Светиот Дух“ (Матеј 28,19).

Затоа денешниот празник нѐ охрабрува да размислувамне за ова прекрасно таинство на љубовта и светлината од која произлегуваме и кон која е насочено нашето земно патување – рече папата Фрањо и додаде: Во навестување на Евангелието и во секој облик на христијанско послание, не може да се занемари тоа единство на кое Исус повикува, наследувајќи го единството на Отецот, Синот и Светиот Дух, тоа единство не може да се занемари; убавината на евангелието бара да живееме и да бидеме сведоци на хармонијата меѓу нас, кои сме многу различни! Тоа единство е од суштинско значење за христијанинот, се осмелувам да кажам, не е однесување или начин на говор. Не, тоа е важно, затоа што тоа е единство кое произлегува од љубовта, од Божјото милосрдие, оправдувањето на Исус Христос и присуството на Светиот Дух во нашите срца. Пресвета Богородица во својата едноставност и понизност ја отсликува убавината на Троединиот Бог, затоа што таа потполно го прими Исус во нејзиниот живот. Нека ја поддржи нашата вера, нека нѐ направи да бидат обожаватели на Бога и служители на нашите браќа – рече Папата на крајот.

Ватикан њуз/к.мк

Категорија: Ватикан, Вести

За авторот