Патер Ломбарди: Бенедикт XVI не е тешко болен
Ватикан, 12.4.2013./к.мк/ – Ватиканскиот гласноговроник патер Федерико Ломбарди ги отфрли тврдењата на шпанскиот дневен весник Ел Мундо дека почесниот папа Бенедикт XVI е тешко болен, јавува ЦНА.
Шпанската дописничка од Ватикан, Палома Гомез Бореро за Ел Мундо изјави дека Бенедикт XVI е со многу лошо здравје.
Во последните 15 дена неговото здравје драстично е влошено изјавила Гомез Бореро во Мадрид при една презентација на незјината најнова книга.
Патер Ломбарди нагласи дека папата Бендикт XVI не е болен и дека тоа го потврдија и неговите лекари. Изјави дека го натажиле коментарите на новинарката Гомез Бореро и дека шпанската новинарка, која ја познава со години наназад, за здравствената состојба на почесниот папа Бенедикт XVI започнала да нагодува откако видела фотографии на кој тој едноставно е уморен. Да се тврди дека Бенедикт XVI е болен е неозбилно. За тоа нема никакви основи, – рече ватиканскиот гласновговорник.
Бенедикт XVI во моментот престојува во папската резиденција во Кастел Гандолфо. Во Ватикан ќе се врати во мај откако ќе бидат преуредени просториите во манастирот Матер Еклесија.
